സായ് പല്ലവി നായികയായി വരാനിരിക്കുന്ന ഏറ്റവും പുതിയ ചിത്രം ‘തണ്ടേല്‍’
സായ് പല്ലവി നായികയായി വരാനിരിക്കുന്ന ചിത്രമാണ് ‘തണ്ടേല്‍’. ഒരു യഥാര്‍ഥ സംഭവത്തിന്റെ കഥയാണ് ചിത്രം പ്രമേയമാക്കുന്നതെന്നാണ് റിപ്പോര്‍ട്ട്.
ഇപ്പോള്‍ ചിത്രത്തിന്റെ ട്രെയിലര്‍ പുറത്തിറങ്ങിയിരിക്കുകയാണ്. ശ്രീകാകുളത്ത് നിന്നുള്ള 21 മത്സ്യത്തൊഴിലാളികളുടെ കഥയാണ് നാഗ ചൈതന്യ രാജു എന്ന പ്രധാന വേഷത്തില്‍ എത്തുന്ന തണ്ടേലിന്റേത്.
ജോലിക്കായി ഗുജറാത്തിലേക്ക് പോകുന്ന ഇവര്‍ പാക് കോസ്റ്റ്ഗാര്‍ഡിന്റെ പിടിയില്‍ ആയി ജയിലിലാക്കപ്പെടുന്നതും അവരുടെ പോരാട്ടത്തിന്റെയും കഥയാണ് ചിത്രം. സംവിധായകന്‍ ചന്തു മൊണ്ടേടി ഒരുക്കുന്ന ചിത്രം നിര്‍മ്മിക്കുന്നത് ഗീത ആര്‍ട്സിന്റെ ബാനറില്‍ അല്ലു അരവിന്ദ് ആണ്.
നായകനായ നാഗചൈതന്യക്ക് പ്രതിഫലം ഏഴ് കോടിയായിരിക്കും എന്ന് വ്യക്തമായിട്ടുണ്ടെങ്കിലും സായ് പല്ലവിക്ക് ചിത്രത്തിന് ലഭിക്കുന്ന തുക പുറത്തുവിട്ടിട്ടില്ല. ബുജ്ജി എന്ന ശക്തമായ നായിക വേഷമാണ് ചിത്രത്തില്‍ സായി പല്ലവിക്ക്.
STORY HIGHLIGHTS:Sai Pallavi’s latest film is ‘Thandel’
